هاد الصينية ديال الروز بالكفتة...كيجي لذيذ و ساهل في التحضير
نبداو على بركة الله...
بالنسبة للمقادير:
أولا:الأرز
نصف كيلو روز _بصلة_ الخرقوم(كركم) _الملح_ الابزار(فلفل اسود)
ثانيا: الكفتة
نصف كيلو كفتة_بصلة مقطعة_
معلقة كبيرة مركز الطماطم
شوية الثومة محكوكة
الملح*الابزار*التحميرة(فلفل احمر) *اسكنجبير(زنجبيل)*الكمون
ثالثا:صلصة البيشاميل
2معالق كبار الزبدة*2معالق كبار الدقيق*1/2لتر حليب
الملح* الابزار
طريقة التحضير بالصور
في طنجرة نعملو البصلة مقطعة مع الزيت
ثم نضيف الروز
نضيفو الملح الابزار و الخرقوم
نضيف كمية الماء اللي يطهى فيها الروز
بالنسبة للكفتة...نوضعو البصلة و الثوم في مقلة يتشحرو
الكفتة كنضيفو عليها التوابل: الربيع(كزبرة وبقدونس)-الكمون-الملح-الابزار-اسكنجبير-التحميرة
ملي تذبل البصلة نزيدو عليها الكفتة
نخلطو مزيان و نضيفو معلقة كبيرة مركز طماطم ذايبة في كاس من الماء
ملي تطهى نخليوها على جنب
ها هو الروز مستوي
كنضيفو عليه نصف مقدار صلصة البيشاميل اللي سبق و حضرنا و نخلطو مزيان
في طبق الفرن كنوضعو نصف كمية الروز
كنضيفو الكفتة
ثم النصف الآخر من الروز
و نغطيه بصلصة البيشاميل المتبقية....و الى الفرن
ملي يتحمر نخرجوه
شوفو كيف كيجي من الداخل..
و هاد الصحن لأول وحدة تجاوبني
